MAE cyfnod enwebu ar gyfer seremoni gwobrau flynyddol Mudiad Meithrin, sy’n cydnabod a dathlu’r gwaith da sy’n cael ei wneud ar lawr gwlad yn y darpariaethau, newydd agor.
Mae Mudiad Meithrin yn chwilio am enwebiadau aelodau staff a gwirfoddolwyr Cylchoedd Meithrin, Cylchoedd Ti a Fi neu feithrinfeydd dydd am wobr mewn deg categori.
Meddai Leanne Marsh, pennaeth datblygu gwasanaethau Mudiad Meithrin: “Mae'r seremoni gwobrau yn rhoi cyfle i Mudiad Meithrin gydnabod a diolch i'n staff a'n gwirfoddolwyr ar lawr gwlad.
Dyma gyfle i unrhyw un enwebu Cylch Meithrin; cylch Ti a Fi neu feithrinfa ddydd - am wobr mewn un o ddeg gwahanol gategori.”
Mae'r holl fanylion ar gael ar wefan Mudiad Meithrin - www.meithrin.cymru/enwebu - gyda gwahoddiad i bawb enwebu cylch neu feithrinfa sy'n gwneud gwaith da mewn amryw feysydd.
Bydd y cyfnod enwebu ar agor tan Mawrth 6.
Ychwanegodd Leanne: “Y cyfan sydd rhaid gwneud yw nodi 3 rheswm pam eich bod yn enwebu. Mae modd i chi hefyd ychwanegu hyd at 3 llun i’r enwebiad.”
Ategodd Iola Jones, pennaeth cyfathrebu a phartneriaethau’r Mudiad: "Edrychwn ymlaen at dderbyn llu o enwebiadau yn ystod yr wythnosau nesaf!"
Cynhelir y seremoni wobrwyo eleni yn Theatr y Werin, Aberystwyth bnawn Sadwrn, Hydref 17.
Bydd y panel dyfarnu’n cyfarfod ym mis Ebrill cyn cyhoeddi rhestr fer ar gyfer pob categori erbyn diwedd tymor yr haf.
Comments: Our rules
We want our comments to be a lively and valuable part of our community - a place where readers can debate and engage with the most important local issues. The ability to comment on our stories is a privilege, not a right, however, and that privilege may be withdrawn if it is abused or misused.
Please report any comments that break our rules.
Read the rules here