OS ewch chi o gwmpas rhai o strydoedd fawr lleol dros y dyddiau nesaf, cewch wledd o liw yn rhai o ffenestri'r busnesau wedi iddynt fynd ati i addurno yn arbennig ar gyfer Mawrth 1.
Mae Menter Iaith Sir Ddinbych a'r prosiect Cymraeg Byd Busnes wedi bod yn annog busnesau i ddathlu dydd ein nawddsant drwy feddwl am iaith a diwylliant Cymru.
Mae llond albwm o luniau'r ffenestri i'w gweld ar dudalen Facebook Menter Iaith Sir Ddinbych, ewch draw i gael golwg.
Neu gwell fyth, ewch allan i gefnogi busnesau lleol, ac yn arbennig y rhai sy'n defnyddio'r Gymraeg ac yn tynnu sylw at ddiwylliant a hanes Cymru.
Meddai Iorwen Jones, o'r Fenter: "Hoffwn ddiolch i gynghorau tref Dinbych, Rhuthun a Rhuddlan, a phrosiect Cymraeg Byd Busnes am eu cefnogaeth wrth i ni gynnal y gystadleuaeth hon ledled y sir.
"Mae'r ffenestri yn werth eu gweld! Diolch i bob busnes sydd wedi cymryd rhan."
Fuodd Ysgol Pant Pastynog hefyd yn tynnu sylw at ddydd ein nawddsant yn ddiweddar, wrth iddynt orymdeithio i fyny Stryd y Dyffryn yn Ninbych, at Sgwar y Goron, lle cafwyd perfformiadau o ganu Cymraeg yn cynnwys yr Anthem Genedlaethol.
Comments: Our rules
We want our comments to be a lively and valuable part of our community - a place where readers can debate and engage with the most important local issues. The ability to comment on our stories is a privilege, not a right, however, and that privilege may be withdrawn if it is abused or misused.
Please report any comments that break our rules.
Read the rules here