MAE cyngerdd elusennol Maer Dinbych, y Cyng Gaynor Wood-Tickle, yn cael ei gynnal yn Neuadd Y Dref, Dinbych Nos Sadwrn, 14eg o Fedi gyda Chôr Godre’r Aran a Dilwyn Pierce yn diddanu’r gynulleidfa er budd elusennau Cynnig, Y Samaritans a Brake.
Cartref Côr Godre’r Aran yw pentref Llanuwchllyn wrth droed mynydd yr Aran.
Dros y blynyddoedd, bu Côr Godre’r Aran yn cystadlu’n llwyddiannus ar lefel genedlaethol a rhyng-genedlaethol gan ennill prif-wobrau cystadlaethau corau meibion yn Eisteddfod Genedlaethol Cymru ac Eisteddfod Ryng-genedlaethol, Llangollen.
Yn 2005 enillodd y côr gystadleuaeth BBC Radio Cymru i gorau meibion.
Dilwyn Pierce fydd yn arwain y noson, ffermwr o Lannefydd wedi dechrau diddanu drwy mudiad y ffermwyr ifanc a bellach yn wyneb cyfarwydd ar lwyfannau ledled y wlad ac ar S4C.
Mae tocynnau yn £10 ac ar gael yn Siop Clwyd a Siop Siocled, Dinbych, Siop Elfair Ruthin, Neuadd y Dref Rhyl a Siop Cardiau Woods, Bae Colwyn.
Comments: Our rules
We want our comments to be a lively and valuable part of our community - a place where readers can debate and engage with the most important local issues. The ability to comment on our stories is a privilege, not a right, however, and that privilege may be withdrawn if it is abused or misused.
Please report any comments that break our rules.
Read the rules here